“Duan të kapin drejtësinë sepse e dinë se çfarë i pret nga drejtësia e vërtetë për zullumet që kanë bërë”. Kështu deklaroi kreu i PD-së, gjatë një takimi me fermerët e Myzeqesë në Divjakë. Sipas zotit Basha, zgjidhja për situatën e krijuar në vend do të vijë nga zgjedhjet e lira e të ndershme.
“Ne po punojmë që ju të zgjidhni sa më shpejt qeverinë që ju ofron programin që ju mendoni se është më i miri për ju”, tha kreu i PD-së.
“Në kushtet e sotme me fat është ai që del fyt e fyt, shumica jeni të zhytur në borxhe dhe merrni borxhe për të larë borxhe. Askush nuk i kupton këto në kalçeton e korrupsionit. Unë jam këtu për ti kuptuar gjërat me sytë e shqiptarëve. Zgjidhja që ne ofrojmë është zgjidhje e përbashkët që buron nga ky bashkëbisedim dhe nga një qeveri e dalë nga vota e lirë e juaj. Nuk do të jetë një qeveri e dalë nga krimi, nga Rrajët që diktojnë sot në qeveri”, tha më tej Basha.
Më tej kryedemokrati theksoi se nuk do të ketë nevojë për nipt, sepse identifikimi i fermerit shqiptar do të bëhet vetëm më kartë identiteti.
“Mbështetja për fermerët do të bëhet në bazë të sasisë së prodhimit. Prodhimi do të ketë akses në tregun e brendshëm por edhe të jashtëm. Kjo do të bëhet duke eliminuar taksën Rama mbi karburantin dhe duke shtuar kontrollin në dogana për të eliminuar futjen e mallrave të subvencionuara nga jashtë. Kush sjell këto mallra do të paguajë taksë që të mos ju konkurrojë me çmime më të ulëta. Dogana do punojë për të mbrojtur interesin e shqiptarëv./ Opinion.al
