Lulzim Basha duke folur për mediat përpara selisë së parlamentit tha se Rama iu iku përgjegjesive për keqqeverisjen në 4 vitet e shkuara. Ai e nisi fjalimin për programin, tha Basha, duke folur si drejtor i Albanologjisë dhe jo si Kryeministër i vendit. “Fjalimi për programin ishte bosh dhe sipërfaqësor”, vijoi lideri i opozitës.
Pjesë nga deklarata e Bashës
“Për një brez të caktuar sot ishte ditë kujtese. U rikthye byroja politike e regjuar mendërisht. Kjo është e pafalshme për Edi Ramën. Një numër i madh shqiptarësh s’kanë asnjë prisshmëri nga Rama. Por ama është një kurth sepse ai ka çelësat e qeverisë. Ai refuzoi të thoshte një fjalë të vetme për 300 mijë vendet e punës dhe më keq akoma, çoi 300 mijë vetë në emigracion. Me paturpësi tha se kjo është një lëvizje e lirë. Shqiptarët s’po ikin si njerëz të lirë, por po ikin ilegalisht duke rrezikuar jetën. “Rama 2” bëri sikur nuk e njeh “Rama 1”. Sot “Rama 2” refuzon të japë llogari. Ai e përqendroi fjalimin tek Skënderbeu dhe Gjuha Shqipe, a thua se është drejtori i Albanologjisë dhe jo Kryeministri i vendit”. /R.D-Opinion.al
