Kreu i Partisë Demokratike ka deklaruar se për përballimin e kushteve të vështira ekonomike si pasojë e krizës së pandemisë, qyetetarët kanë nevojë për para kesh.
Sa i përket burimeve se si mund të financohet një masë e tillë, Basha tha se paratë mund të gjendjen së pari duke anuluar 120 milionë euro që shkojnë për pagesën e pagesave koncesionare dhe alokimi i 140 milionë eurove të tjera nga shpenzimet operative të panevojshme gjatë kësaj periudhe.
“Ne kemi propozuar një paket ë të plotë, që ka të bëjë me aspektin e masave në shëndetësi, detyrimet e shtetit që burojnë nga shpallja e gjendjes së jashtëzakonshme. Efektet e shtresave në nevojë dhe se si mund të garantojmë mirëfunksionimin e institucioneve në këto kohë krize. Përgjigja për pyetjen se ku ti gjej paratë është e qartë; anulo kontratat koncensionare 120 mln euro . Rialoko 140 mln euro, nga shpenzimet operative, luksi, që s’janë domosdoshmëri në kohë krize. Kjo do të administronte një situatë 2-3 mujore krize. Buxheti k a dhe rezerva të tjera për të përballuar krizën. Mos të shohim Amerikën, por Kosovën. Në këto kushte nga opozita ka pasur bashkëpunimin. Të propozosh zgjidhje, është detyra jonë dhe bashkëpunimi luajal që opozita mund të bëjë për hir të interesit të qytetarëve.”, tha Basha.
Ai tha se qeveria së fundi ka hapur një tender 2 milionë lekë për blerje qeleshesh. Kjo sipas tij është e panevojshme por edhe e papërgjegjshme nga ana e qeverisë.
“Një media ka bërë publike sesi është hapur tender për blerje qeleshesh 2 milionë lekë. Kjo tregon gjendjen mendore të rëndë të qeverisjes. Duhet të mos dëgjojmë më raste si nëna në Vlorë, që thoshte ha bukë me sheqer. Të varfërit janë pa ushqime sot”, tha kreu i opozitës. /Opinion.al
