Kreu i Partisë Demokratike, Lulzim Basha, të dielën ka postuar një video që tregon vuajtjen e tejskajshme të disa familjeve shqiptare.
Përmes kësaj video, Basha tregon se kryefamiljari u punësua vetëm dy muaj, por u përjashtua nga Edi Rama nga ndihma ekonomike.
Kryedemokrati shkruan se kryefamiljari dëshiron të punojë, por nuk ka dhe nuk gjen dot punë.
Ai e ka cilësuar një gënjeshtër deklaratën e bërë nga kryeministri Rama: se punë ka, por njerëzit qëllimisht zgjedhin ndihmën ekonomike prej 50 mijë lekë.
Postimi i plotë:
“Shikojeni kronikën më poshtë. Kësaj familjeje i kanë hequr ndihmën ekonomike sepse kryefamiljari ka qënë 2 muaj i punësuar. Meqë ka punuar 2 muaj, e kanë penalizuar 6 muaj nga ndihma. Prej muajsh i papunë, kryefamiljari do që të punojë, por punë nuk ka e nuk gjen. Edhe pse pa punë, Rama e ndëshkon pse ka punuar 2 muaj.
Pune nuk ka. Dhe nuk ka njeri ta besojë se këto familje zgjedhin 50 mijë lekë ndihmë para nje rroge.
Jo mashtrimet e Ramës, por ky është realiteti i mbi 20 mijë familjeve që iu është hequr pa asnjë shpjegim, buka e fëmijëve.”
