Lulzim Basha ka folur edhe njëherë këtë mëngjes nga Çadra e Lirisë duke i bërë të ditur maxhorancës se: “Zgjedhje me këtë qeveri nuk ka, me këtë kryeministër dhe me krimin nuk do ketë më kurrë”.
Në ditën e 8 të protestës, Basha tha se fati i 1 milion shqiptarëve nuk është lojë; “brenga, hallet dhe fatet e fëmijëve të vendit nuk janë lojë”
“Nuk ju thirra për lojë, kjo është një luftë nga e cila do të kthehemi vetëm me fitore, ju kam thënë se jam gati për të luftuar deri në fund, kjo është një luftë pa kthim. Në njërën anë janë një grup njerëzish, një pakicë pushtetarësh dhe kriminelesh dhe derrash oligarkë që ju vjedhin dhe ju zhvatin përditë taksat dhe paratë tuaja. Basti i tyre vlen miliarda nga droga, më koncesione me tendera me taksat dhe pasuritë e shqiptarëve. Ju jeni e vetmja garanci dhe përballja jonë me klikën e krimi ka arritur rezultatet e para. Kjo është një ushtri e paqes dhe e metodave dhe durimit demokratik. Një ushtri e qëndresës dhe përballjes deri në fitoren e kauzës qytetare. Durimi ynë nuk duhet të merret për dobësi, provokimet nuk do i tolerojmë, na godisni me shuplakë do t’ia u kthejmë me grusht. Bashkohuni dhe goditini me grusht,- tha Basha përpara protestuesve.
