Kreu i Partisë Demokratike, Lulzim Basha, të hënën, deklaroi se projekti i vetëm i kryeministrit Edi Rama është asgjësimi i çdo procesi dhe institucioni politik.
Në fjalën e tij nga foltorja e Kuvendit, Basha tha se Rama do të qeverisë me oligarkët dhe kriminelët.
Sipas tij, Parlamenti nuk përfaqëson më interesin publik, pasi ata që kanë forcën e kartonëve mbrojnë krimin.
Basha: Kam paralajmëruar nga kjo sallë se projekti i vetëm i Ramës është asgjësimi i çdo procesi dhe institucioni politik. Hap pas hapi keni parë se si u vu në jetë ky projekt. U asgjësuan zgjedhjet, e drejta e votës u asgjësua. Rama do të qeverisë me oligarkët dhe kriminelët. Sot kjo sallë nuk përfaqëson interesin publik, pasi ata që kanë forcën e kartonëve mbron krimin. Ky Kuvend përfaqëson sot vesin më të shëmtuar, hajdutërinë e përzier me arrogancën. U asgjësua Prokuroria, pasi tani i erdhi radha e edhe asgjësimit të PS. Sot ministrat në pushtet nuk janë përfaqësues të popullit dhe të PS. Ata janë kukullat e kryeministrit./Rel.d/
