Lulzim Basha ka prezantojë programin elektoral me sloganin “Shqipëria Meriton më shumë”, në Kuvendin që po zhvillohet në Parkun Olimpik të Tiranës.
Basha ka njoftuar se një nga pikat e programit elektoral është themelimi i fondit për mirëqenien e familjes.
Në këtë fond, Basha ka deklaruar se familjet e reja shqiptare do të përfitojnë 20 mijë Euro kur në jetë do të vijë fëmija i tretë.
”PD vjen sot me një përfaqësim të ekipit më të mirë, të cilët për më shumë se 1 vit, ju paraqesim sot programin e PD-së, Shqipëria meriton më shumë. PD do të angazhohet në një dialog të përditshëm dhe të përjavshëm me familjet shqiptare. Shqiptarët meritojnë më shumë dhe me PD-në që nis që sot punë në transparencë të plotë, do të paraqesim të gjitha propozimet tona.
Sot nga kjo platformë i bëj ftesën çdo kundërshtari politik të debatojë me ne për Shqipërinë që meriton më shumë. Çdo debat do t’i nxjerrë ata pa këpucë fare. Le të vazhdojmë me muajt e ardhshëm me shqiptarët për atë që kërkojnë nga PD.
Propozimet tona të bazuara në një analizë të hollësishme të gjendjen aktuale dhe mundësisë së Shqipërisë. Edi Rama e trajton shtetin shqiptar si pronën e tij private. Pasuritë e këtij vendi grabiten nga një grusht njerëzish me lidhje të drejtpërdrejta me të. Ne jemi PD e Shqipërisë, ne besojmë në Zot, tek Shqipëria dhe familja. Për ne familja shqiptare, qendra e gravitetit të planit tonë për Shqipërinë që parashikon fondin e mirëqenies për familjes.
Sot njoftoj iniciativën e PD për themelimin e fondit për mirëqenien e familjes, nga çiftet e reja tek fëmijët dhe shkollimi i tyre. Fondi për Mirëqenien e Familjes do të nisë me një politikë të re për të mbështetur rritjen dhe fuqizimin e shoqërisë tonë me subvencione të drejtpërdrejta. 2 mijë Euro për çdo bebe, 20 mijë Euro për fëmijën e tretë për çdo familje të re shqiptare. 30 mijë çifte shqiptarësh që sot e kanë të pamundur që të blejnë një banesë, do ju zerohet interesi i kredisë që do të marrin në funksion të familjes shqiptare sepse familja shqiptare për ne është e para dhe meriton më shumë.
Nga lindja e fëmijëve, tek sigurimi i banesave për çiftet e reja. Një i ri apo e re me formim të mirë, fillon me kujdesin për fëmijët. Ekipi i ekspertëve të PD-së ka konkluduar që të mbajë angazhimin e PD-së, në programin tonë, drekë për të gjithë nxënësit e shkollave 9-vjeçare dhe të mesme. Shkollat do të pësojnë reformën më të thellë, do të jenë pallatet e vërteta të shqiptarëve.
Paketë për mjete dhe libra falas me regjimin e drekës së paguar për të gjithë nxënësit, PD hedh një hap cilësor për Shqipërinë si e gjithë Europa. Arsimi universitar do i nënshtrohet një reforme të thellë që do të synojë që të prodhojnë jo thjesht të rinj me diploma, por profesionistë për një treg pune. PD ka në programin e saj një pikë kthese për ekonominë tonë, angazhohet për trajnimin e 25 mijë të rinjve dhe të rejave në fushën e teknologjisë me vlerë 800 milionë Euro”, tha Basha.
