Aktualitet

Basha pret ministrin e RMV-së: Diskutuam për sfidat e bashkëpunimit


Bëhu pjesë e Grupit Zyrtar të Opinion.al
>> KËTU <<
               Publikuar në : 15:43 - 05/02/21 |
Doriana Çepunaj

Gjatë vizitës në Shqipëri, ministri i Jashtëm i Maqedonisë së Veriut, Bujar Osmani, ka takuar edhe kryetarin e opozitës Lulzim Basha.

Pas takimit Basha në një prononcim për mediat është shprehur se me Ministrin e Jashtëm të Maqedonisë së Veriut diskutuan për qëndrimin e Partisë Demokratike në mbështetje të faktorit politik shqiptar në RMV.

 “Me siguri së shpejti do të jenë krah për krah në rrugëtimin tonë të sigurtë drejt integrimit në Bashkimin Europian. Diskutuam për sfidat e bashkëpunimit. Natyrisht shpreha qëndrimet e njohura të PD-së në mbështetje të rolit të faktorit politik shqiptar në RMV si një faktor stabiliteti, si një garantues i stabilitetit demokratik të proceseve demokratike, i disa proceseve të rëndësishme si marrëveshja e Prespës që i hapi rrugë më në fund anëtarësimit të plotë në NATO. Po kështu edhe në proceset e tjera politike që kanë të bëjnë me integrimin europian”, tha Basha.

Nga ana tjetër ministri Osmani tha se raportet mes Shqipërisë dhe Maqedonisë së Veriut e kanë kaluar nivelin e fqinjësisë së mirë.

“Është vizita ime e parë në Shqipëri si ministër i Jashtëm. Siç theksova në takimin e sotëm raportet tona ndërshtetërore, kanë kaluar nivelin e fqinjësisë së mirë, por janë shndërruar në një partneritet, në një miqësi të përhershme që i tejkalon kufijtë e komunikimit zyrtar, por ka një afërsi ndërmjet njerëzve, ndërmjet bizneseve, sektorit civil dhe institucionet e partive politike. Krejt kjo në interes të thellimit të bashkëpunimit bilateral, por edhe impaktit rajonal që ky bashkëpunim reflekton më tej dhe aspiratat tona euroatlantike”, tha Osmani.

 

 

Pas