Basha e nisi sesionin politik për t’i hedhur poshtë të gjithë zërat për një afrim PD-LSI. Fushatë primitive sipas Lulzim Bashës, i cili tha se në zgjedhjet e radhës do të jetë përballë qeveritarëve me gjithë faktorin opozitar të bashkuar dhe me një program qeverisës që po merr formën përfundimtare.
“Sa i takon zgjedhjeve Partia Demokratike është përgatitur, po përgatitet dhe do të të konkurrojë përballë dyshes Rama-Meta në aleancën me të gjerë të mundshme me elektoratin shqiptar, me partitë politike dhe faktorët e opozitarimit pa përjashtim.
“Ata janë fundi i kazanit të tranzicionit, ne jemi demokracia e re, demokracia normale e vlerave Europiane”.
…Viti 2016 është vit i intensifikimit të aksionit tonë politik për largimin e qeverisë Rama-Meta dhe krijimin e një qeverie teknike që do të përgatisë zgjedhjet e reja politike… Taksat e ulëta, zbritje e TVSH-së në nivelin 15 përqind, futja e taksës së sheshtë më të ultë në Ballkan në nivelin 9 përqind, janë disa nga elementët e bërë tashmë publikë, elementë që do ta japin ekonomisë kombëtare dhe familjare impulset e shumëpritura pozitive dhe do të sigurojnë rritje ekonomike, punësim dhe paga më të larta.
Deri në fund të muajit do të bëhet edhe konsultimi final me ekspertë dhe specialistë të fushës, për t’i pasuruar më tej këto dokumenta me ekspertizën dhe idetë më të mira. Dhe në muajin shkurt, programet e përgatitura nga secili prej 22 departamente në Partinë Demokratike do t’i nënshtrohen diskutimit të hapur me grupet e interesit, në funksion të përmirësimit dhe përfshirjes së çdo mendimi, qëndrimi dhe opinioni të vlefshëm.”
Nëse PD dhe LSI janë më pranë njëra-tjetrës për refrmën në drejtësi, kjo, sipas Bashës është falë qëndrimeve të tyre tek rekomandimeve e Komisionit të Venecias.
Ftesa e kreut të opozitës është që dhe Rama të vijë në këtë pozicion për një konsensus parlamentar si ai për dekriminalizimin. Edhe një here, për vënë në dukje pozicionin politik të demokratëve për konsensus, solli në vëmendje që ai nuk lidhet me takimet e shpeshta Rama-Meta për këtë reformë.
“Ne nuk i braktisim vlerat dhe parimet të cilat besojmë sepse i urren kundërshtari.
Ndaj ngulmuam dhe do të vazhdojmë të ngulmojmë, investuam dhe do të vazhdojmë të investohemi deri në fund për konsensus bazuar në sugjerimet e Venecias.
Konsensusi zhduk pazaret, konsensusi zhbën shantazhet e Vilës 30 apo 31. Konsensusi që kërkon Komisioni i Venecias është rruga që e shpëton drejtësinë nga kapja politike.
Edi Rama, ky usta i pazareve dhe shantazheve me të drejtë i druhet kësaj…
Ne e përshëndesim këtë qëndrim të LSI-së. Do të donim që PS të vinte sa më shpejt te i njëjti qëndrim si rrugëzgjidhja e vetme për t’i hapur rrugë reformës.
Të punojnë sëbashku për reformat e mëdha, të përqafojmë konsensusin, siç bëmë me ligjin e dekriminalzimit- kjo është një vlerë e kulturës moderne politike. Por kjo nuk do të thotë zhdukje e dallimeve politike e aq më pak pazar.”
Basha tha se nuk do të pranojnë një paketë kushtetuese që i jep mundesinë Kryeministrit pavaresisht kush është që të kapë sistemin e drejtësisë. /abcnews/
