Ndërsa ka komentuar përplasjet me Berishën, kryetari i PD Lulzim Basha u shpreh se në disa raste ai ka qenë i vendosur përballë interesit personal të Berishës dhe në çdo herë ka mbajtur anën e tij.
Basha tha gjatë një interviste në Top Channel, se tashmë nuk është më fjala për Berishën që u shpall non grata, por që SHBA po vinin një vijë të kuqe për Partinë Demokratike. “Po iu them dhe një herë. 8 vite kryetar i Partisë Demokratike, me dhjetëra herë jam vendosur përballë interesit personal të Sali Berishës, le të themi sedrës apo interesit të kryetarit të Partisë Demokratike, Lulzim Basha. Kam zgjedhur çdo radhë anën e tij. Se kam thënë asnjëherë, po e them sot, ky nuk është një moment i tillë. Ky është momenti ku duhej të ishin o interesat e tij personale, ose vet ekzistenca e Partisë Demokratike. Dhe kjo është ajo që ju përpiqeni të anashkaloni. Shtetet e Bashkuara të Amerikës, jo thjesht shpallën non grata Sali Berishën, po vunë një vijë të kuqe për Partinë Demokratike”, tha Basha./Opinion.al
