“Për Ramën nuk do të ketë asnjë minutë qetësi”. Ishte ky paralajmërimi që kryetari i Partisë Demokrati, Lulzim Basha bëri gjatë mbledhjes së Kryesisë.
Sipas kryedemokrtit, largimi i kryeministrit është çështje e emergjencës kombëtare.
“Ne nuk pranojmë qeveri të kapur nga krimi, në vend nuk ka normalitet. Ndaj ikja e Ramës është çështje e emergjencës kombëtare”, mësohet të ketë thënë Basha.
Mbledhja e Kryesisë së PD-së vjen në një kohë kur opozita e bashkuar po organizon protestën e 16 Marsit. Ky tubim do të jetë në vijim të protestave të fundit, që pas djegies së mandateve nga Partia Demokratike dhe Lëvizja Socialiste për Integrim.
Kryetarët Basha e Kryemadhi kanë paralajmëruar se nuk do të tërhiqen pa rrëzuar qeverinë Rama, me gjithë kritikat e ndërkombëtareve se ky qëndrim rrezikon integrimin e vendit./ Opinion.al
