Kreu i Partisë Demokratike, Lulzim Basha ka folur përballë gazetarëve edhe për deklaratën e djeshme të ambasadorit Donald Lu, i cili tha se politikanët kanë frikë nga reforma në drejtësi dhe se ajo nuk ka vdekur. Basha u shpreh se ti kërkosh Kuvendit të mos bëjë vetingun e kryeprokurorit është një thikë në shpinë të reformës në drejtësi.
“S’kam komentuar asnjëhërë ambasadorët e huaj, por s’mund ta imagjinoj që dikush nga trupi diplomatik ti kërkojë Kuvendit të shkelë kushtetutën apo të kërkojë mos bëhet vetingu i kryeprokurorit. Kjo do të ishte një thikë në shpinë të reformës në drejtësi për të cilën kanë kontribuar të gjithë përfaqësuesit e trupit ndërkombëtar”, tha Basha.
