Pas takimit me demokratët në degën 14 në Tiranë, kreu i PD-së Lulzim Basha deklaron se PD ka vendosur të lërë pas hijet e së shkuarës dhe mbetjet të tranzicionit, duke iu referuar Ish-kryeministrit, Sali Berisha, Presidentit, Ilir Meta dhe kryeministrit, Edi Rama.
Teksa poston fotot nga takimi në rrjetet sociale, kryedemokrati thotë se PD është instrumenti i vetëm i shqiptarëve për ndryshim dhe një të ardhme më të mirë.
“Partia Demokratike është e demokratëve që janë bashkuar rreth vlerave, duke lënë pas hijet e së shkuarës dhe mbetjeve të tranzicionit, që kërkojnë ta mbajnë peng Shqipërinë. PD është instrumenti i vetëm i shqiptarëve për ndryshim dhe një të ardhme më të mirë”, shprehet Basha. / Opinion.al
