Kreu i Partisë Demokratike Lulzim Basha, ka kritikuar ashpër Ramën dhe Veliajn pas njoftimit për rritjen e çmimit të ujit të pijshëm. Basha ka thënë se ky është një vendim antipopull. Basha tha se Rama nëpërmjet rritjes së çmimit do të kompesojë keqmenaxhimin dhe vjedhjen e ujësjellësit. Basha po ashtu njoftoj se PD do ta votoj kundra në këshillin bashkiak këtë vendim antipopull sicc e quajti Basha.
“Rritja e çmimit të ujit të pijshëm është veprim kriminal ndaj qytetarëve i Ramës dhe Veliajt. Është një tjetër rekord i një qeverie thellësisht anti-popull.
Pasi harxhoi më shumë se 500 milionë euro të parave publike për fasada dhe luks, Edi Rama u kujtua se qytetarët e Tiranës nuk kanë ujë. Për të kompensuar keqmenaxhimin dhe vjedhjen në ujësjellësin e Tiranës, Edi Rama përmes Erion Veliajt ka vendosur të dënojë qytetarët duke jua faturuar atyre koston e keqqeverises së tij.
Partia Demokratike do të votojë nesër kundër këtoj vendimi anti-popullor dhe ju bën thirrje të gjithë këshilltarëve të tjerë bashkiakë të votojnë për interesat e qytetarëve që ata përfaqësojnë dhe jo të dyshes Ramës e Veliajt”, u shkruan Basha. /opinion.al
