Pas votimit në një prononcim të shkurtër për mediat, Basha e konsideroi garën dhe votimin për kreun e PD-së një proces unik, i bazuar sipas tij te vlerat e demokracisë, shprehjes së lirë dhe konkurrencës.
“Së pari dua të falënderoj mediat për mbulimin që po i bëjnë këtij procesi unik, dua të falënderoj demokratët anembanë Shqipërisë, kujdestarët e procesit komisionerë vëzhgues, në këtë proces unik, të vlerave tona, të vlerave të demokratëve, të zgjedhjet një anëtarë një votë të kryetarit të PD. Këto janë vlerat tona, vlerat e demokracisë, të shprehjes së lirë, konkurrencës dhe debatit. Me këto vlera e kemi nisur betejën për ndryshimin për Shqipërinë dhe shqiptarët, me këto vlera do ta çojmë deri në fund deri në përmbysjen e regjimit Rama-Doshi”, tha Basha.
Kryetari në detyrë i PD, Lulzim Basha, garon në këto zgjedhje me Agron Shehaj, Fatbardh Kadilli dhe Edit Harxhi./Opinion.al
