Kryedemokati Lulzim Basha ka shkuar ditën e sotme në selinë e FRD-së, pas përplasjes që ka patur aty me policinë bashkiake, në të cilën u përfshi dhe Presidenti Meta .
Pas vizitës Basha u shpreh se humbësi bëhet i rrezikshëm në ditët e fundit, teksa shton se ka më shumë pushtet për Enver Hoxhën, por ai thotë se opozita nuk trembet.
Për Bashën skenat e dhunës do të vijojnë në rast se 25 prilli nuk kthehet në ditën e thyerjes së statu-quosë.
” Kam vetëm një këshillë mjekësorë, humbësi bëhet i rrezikshëm ditët e fundit. Bisha e plagosur. Bisha nuk ka shans të trembësh e frikësosh popullin. Nuk ke shans të trembësh opozitën, që ka marrë misionin për të përfaqësuar qytetarët.
25 prilli është ditë ndryshimi. Këtë e dini ju, e dimë ne, e dinë ndërkombëtarët që na kanë qëndruar pranë. Këtë e di edhe Rama. Ngjarja e sotme është në një seri ngjarjesh, ka humbur mendjen. Ka dalë nga fiqiri prej panikut të humbjes dhe drejtësisë që e pret atë që e kanë shndërruar Shqipërinë në një strehë të oligarkisë.
Shqiptarët e dinë sepse e kanë vuajtur dhunën e këtij shteti ndër vite. E kanë vuajtur mbi 30 mijë qytetarë të marrë me forcë nga banesat e tyre sepse nuk paguanin dot energjinë. Mijëra qytetarë, taksapagues që u larguan nga puna vetëm mbi kriteret e banditizmit dhe propagandizimit. Dhunën e kanë ndjerë mijëra qytetarë, banesat e të cilëve janë shembur pa ligj. Dhjetëra fëmijë nga gazi lotsjellës, artistët me Teatrit, bizneset prej familentit, të rinjtë shqiptarë që largohen nga Rama. E kanë ndjerë studentët. Dhuna e Ramës është sjellja e shtetit të kapur prej tij, burimi i gjithë të këqijave. Dhuna nuk është zgjidhja, optimizmi nuk mungon. Ju përsërit zotimin dhe angazhimin tim, të PD, Aleancës për Ndryshim, dhe koalicionit tonë bashkë me LSI se jemi të vendosur të sjellim ndryshimin. ASgjë nuk e ndal ndryshimin, as dhuna, as krimi dhe asgjë tjetër që janë grahmat e fundit të Edi Ramës. Ju ftoj të jemi bashkë e të vendosur. Shqipëria duan të kthehet në rrugën e duhur, I them pakicës absolute, Ramës, kriminelët që ke darkuar para dy netësh në kryeministri. Jeni një grusht njerëzish, ju nuk e ndalni dot ndryshimin. Më 25 prill zgjedhja është e qartë. Ose mbetemi këtu ku kemi qenë 2 vite me radhë. Rama ka pasur më shumë pushtet se Enver Hoxha. Shqipëria s’ndryshon pa u larguar Edi Rama. Këto skena do të vijojnë nëse 25 prilli mbetet dita e statu-quosë. S’ka shans mbi tokë që kjo të ndodhë. Shqipëria do i kthehet shqiptarëve. Edi Rama do të largohet, dhe ne të gjithë do të nisim rrugën e ndryshimit.”-tha Basha.
Kujtojmë që në përplasje u përfshi edhe Presidenti i Republikës, Ilir Meta i cili pasi u njoftua shkoi tek zyrat dhe u kërkoi Policisë Bashkiake të dalin jashtë. FRD është pjesë e koalicionit të PD me aleatët, teksa kryetar ka Sali Shehun. /Opinion.al
