Kreu i PD, Lulzim Basha ka nisur sot vizitën e tij dy ditore në Kosovë. Takimin e parë ai e ka zhvilluar me kryeministrin Avdullah Hoti.
Pas takimit ata kanë dalë në një konferencë për mediat. Hoti tha se kishte komunikuar me Bashën lidhur me masat e marra për përballimin e situatës së Covid dhe dialogun me Serbinë.
Nga ana tjetër kreu i opozitës, Basha, përgëzoi qeverinë Hoti për masat e marra të cilat siç tha ai e vendosin atë në krye të rajonit
“Po ndjekim me shqetësim përparimin e pandemisë por jam i inkurajuar nnga paketa e masave qoftë në aspektin shëndetësor qoftë në atë ekonomik. Në këtë kuadër gjykoj se me paketën tuaj ekononmike, në raport me PBB e Kosovës, një paketë e tillë ju vë në krye të rajonit. Vendimarrja juaj dhe mënyra se si do të zbatohet është njnë shembull edhe për Tiranë.”, tha Basha.
Kreu i demokratëve theksoi gjithashtu se ishte shumë e rëndësishme rinisja e dialogut me Serbinë.
“Ju përgëzoj për nisjen e dialogut me Serbinë. Kjo qasje parimore mund të ketë vetëm një përfundim njohje reciproke.”
Basha ritheksoi edhe njëherë se një qeveri e drejtuar nga ai do të heqë menjëherë taksën e Rrugës së Kombit dhe traun e kufirit me Kosovën.
“Ju siguroj se te PD do të keni një partner të devotshëm. Një ndër vedimet e para të mija si kryeministër i zgjedhur në zgjedhjet e ardhshme do të jetë heqja e taksës dhe traut në Rrugën e Kombit. Po kështu edhe një thellim i bashkëpunnimit në të gjithë fushat e tjera. Tirana ka vetëm një deryrë, të mbështesë qeverië dhe popullin e Kosovës.”, deklaroi Basha. /Opinion.al
