Pas firmosje së marrëveshjes me Lëvizjen Socialiste për Integrim, kreu i PD Lulzim Basha në fjalimin e mbajtur ka deklaruar se sot fillon udhëtimi i përbashkët për të ndryshuar Shqipërinë.
Basha tha programi i prezantuar nga PD për ekonominë, arsimin, shëndetësinë,janë plane që do të ndryshojnë jetën e qytetarëve.
“Çdo udhëtim i madh nis me një hap të parë dhe çdo shpresë nis me një ëndërr e cila bëhet realitet. Udhëtimi i përbashkët për të ndryshuar Shqipërinë fillon sot. Gjatë javëve të fundit kam prezantuar planet tona të punës në të gjitha drejtimet për ekonominë , arsimin, shëndetësinë… për kthimin e të rinjve në vend dhe ndaljen e katastrofës kombëtare të emigracionit, për integrimin europian, me anë të të cilit fiton çdo shqiptar. Jo premtime boshe, plane pune që do të ndryshojnë jetën e secilit prej jush. Këto janë plane që do ndryshojnë jetën tuaj. Ka ardhur kohë të shkojmë shtëpi më shtëpi, rrugë më rrugë fshat më fshat”, tha Basha./Opinion.al
