Kryetari i Partisë Demokratike, Lulzim Basha zhvilloi ditën e sotme një takim me shefin e Misionit të FMN-së, Jan Kees Martijn.
Pas këtij takimi, Basha u shpreh në një dalje për mediat se kryeministri Edi Rama nuk mban përgjegjësi për dështimet e qeverisë dhe se fajëson gjithmonë të tjerët.
Kryedemokrati theksoi se kriza në të cilën ndodhet vendi, mund të marrë fund vetëm përmes zgjedhjeve të lira dhe të ndershme.
“Hap veshët e dëgjo mirë se mesazhi është i qartë: largimi i kësaj qeverie dhe zgjedhjet e lira e të ndershme, është ilaçi për këtë krizë,”-është shprehur Basha.
“Përtej konstatimeve të FMN dhe tonave prej vitesh, tani ka ardhur koha për një reagim popullor dhe e vetmja mënyrë për ta ndalur është që të hapim disa vende pune. Fajin e ka opozita, fajin e ka e SHBA, fajin e ka Macron. Vetëm Edi Rama nuk ka faj.Duhet të nxjerrim nga vendet e punës që i kanë okupuar pa të drejtë kryeministrin dhe ministrat e tij. Hap veshët e dëgjoji mirë se mesazhi është i qartë: largimi i kësaj qeverie dhe zgjedhjet e lira e të ndershme, është ilaçi për këtë krizë”-tha mes të tjerash Basha. Opinion.al
