Kryeministri Rama ka reaguar pas paralajmërimit të kreut të PD, Lulzim Basha se sot do të publokohen fakte të cilat tregojnë se dy javët e fundit janë bërë pagesa ndaj koncesioneve me vvlerë 52 milionë euro.
Sipas Bashës këto mund të viheshin në funksion të planit ekonomik në përballim të situatës së koronaviruist. Në planin e paraqitur prej tij llogaritej një mbështetje që shkonte maksimumi 55 milionë euro në muaj për bizneset dhe individët.
Por Rama e ka ironizuar planin e propozuar nga Basha duke u shprehur se me kalimmin e kohës ajo do të kapë nivelin e një vendi të G7.
“Plani 7×7=42 është zgjuar sot me rritje të shifrave! Deri kur të mbarojë lufta shifrat do kapin nivelin e një vendi të G7-ës! Pritet shifra e parashikuar nga Plani për aktorët e Portokallisë, meqë janë mbyllur në shtëpi ndërkohë që po u bëhet konkurencë e pandershme nga 7×7=42!”, shkruan Rama. /Opinion.al
Plani 7×7=42 është zgjuar sot me rritje të shifrave! Deri kur të mbarojë lufta shifrat do kapin nivelin e një vendi të G7-ës! Pritet shifra e parashikuar nga Plani për aktorët e Portokallisë, meqë janë mbyllur në shtëpi ndërkohë që po u bëhet konkurencë e pandershme nga 7×7=42!
— Edi Rama (@ediramaal) March 19, 2020
