Kreu i Partisë Demokratike, Lulzim Basha ka publikuar një video nga protesta në selinë e PD. Krah pamjeve të publikuara në rrjetet sociale, Basha shkruan se Berisha vulosi sot ditën e tij të fundit në politikë.
“Me këtë shfaqje të shëmtuar dhune, Sali Berisha vulosi ditën e tij të fundit në politikë. Shumica absolute e demokratëve e braktisi atë dhe kriminelët me të cilët kërkoi të shkatërronte Partinë Demokratike. Demokratët qëndruan sot me vendosmëri dhe qytetari në mbrojtje të Shtëpisë së Lirisë, si shpresa e vetme e shqiptarëve për ndryshim”,-shkruan Basha./Opinion.al
