Kreu i Partisë Demokratike, Lulzim Basha, ka publikuar një video ku shfaqen disa qytetarë, të cilët tregojnë vështirësinë e përballimit të jetesës përgjatë kësaj kohe të vështirë, pandemie.
Krahas historive njerëzore, Basha shkruan se me mijëra persona në të gjithë vendin janë braktisur nga shteti.
Ndaj, kryedemokrati thekson se duhet një plan i mirëmenduar mbështetjeje për të gjithë familjet shqiptare sipas nevojës dhe kushteve të secilit.
Në fund, Basha i bëri edhe një herë thirrje qeverisë të shpërndajë pa asnjë vonesë fondet e ndihmës ekonomike dhe të rrisë buxhetin për emergjencën.
Postimi i plotë:
Me mijëra njerëz në të gjithë vendin tregojnë mungesën e ndihmës dhe braktisjen nga shteti. Të përjashtuar nga plani i qeverisë, çdo ditë që kalon, për ta është një ditë pa bukë.
Duhet një plan i mirëmenduar mbështetjeje për të gjithë familjet shqiptare sipas nevojës dhe kushteve të secilit. Pagesa e mbijetesës për këdo që ka humbur punën nuk mund të vonohet më asnjë ditë!
Qeveria e ka për detyrë kushtetuese dhe ligjore të garantojë shëndetin dhe jetesën e çdo shqiptari. I bëj edhe një herë thirrje të wW! Koha është TANI!?
