Kryetari i Partisë Demokratike, Lulzim Basha ka publikuar një video në rrjetin social Facebook, ku shfaqet një prind, që rrëfen situatën e vështirë ekonomike me të cilën po përballet.
“Një herë s’kisha mundësi për t’i blerë librat e shkollës, s’i kisha leket. I kërkuam dhe i gjeta lekët diku. Pas tre katër ditësh i bleva. Ishim trembur se të gjithë i kishin blerë ne nuk i kishim blerë akoma, edhe fletoret , stilolapsat. I kam marrë edhe me listë dhe i paguaja çdo fund muaji dhe pothuajse po kështu vazhdoj”, thotë prindi në video.
Krahas videos së publikuar Basha shkruan: “Pas 8 viteve të dështimit të Ramës, pasi kostoja e jetesës është rritur dita-ditës, ka ardhur koha për ndryshim. Rama duhet të largohet, dhe ne do të sjellim një të ardhme më të mirë për Shqipërinë”./Opinion.al
