Basha nga Shkodra: Nuk do të heqim dorë derisa të fitojmë betejën!

Kryetari i PD-së, Lulzim Basha ka zgjedhur sot qytetin e Shkodrës për të përcjellë mesazhet e tij politike dhe për t’iu kundërpërgjigjur Kryeministrit Edi Rama sipas të cilit, zgjedhjet më 18 qershor do të zhvillohen me ose pa opozitën

Por Basha, nga Memoriali i 2 Prillit, teksa ka shprehur mirënjohjen për 4 heronjtë e demokracisë: Arben Broci, Bujar Bishanaku, Besnik Ceka dhe Nazmi Kryeziu, që 26 vite më parë luftuan për lirinë me çmimin më të madh, me jetën e tyre, siç u shpreh, theksoi se “nuk do të heqim dorë nga protesta derisa të fitohet beteja për zgjedhje të lira dhe të ndershme.

Aleanca e krimit thotë se mund të zhvillojë zgjedhje pa opozitën, – tha ai, – por gjoksi i shqiptarëve nuk mund të tolerojë zgjedhje të tilla!”