Kryetari i opozitës, Lulzim Basha i cili ndodhet për një vizitë në Londër ka ndarë në faqen e tij në Fb një lajm të rëndësishëm , veëanërisht për shqiptarët që jetojnë në Londër.
Është fjala për një vendin të dhënë nga Gjykata Supreme e këtij vendi, e cila ka vendosur që 2 shtetas shqiptarë të cilët e kishin fituar pasaportën britanike si kosovarë të mos e humbasin atë. Po kështu edhe pasardhësit e tyre kanë të drejta të plota mbi pasaportën britanike.
Ky vendim është precedent pozitiv për shumë raste shqiptarësh të cilët janë regjistruar në Angli si kosovarë të ikur nga lufta.
Basha është takuar në Londër me Naim Hasanin, i cili është avokat i çështjes së fituar në Gjykatën Supreme Britanike më 21 Dhjetor 2017 dhe Kryetari i PD, dega Londër. Ai është, gjithashtu, avokati i parë shqiptaro-britanik, që ka mbrojtur një çështje ligjore para Gjykatës Supreme Britanike.
Kryetari Basha tha se ky është një vendim historik që u shërben shumë familjeve shqiptare.
Statusi i plotë i kryetarit Basha
“Pas pritjes së mrekullueshme që më bënë bashkatdhetarët e Londrës, pata kënaqësinë të pres në Tiranë, Z. Naim Hasani, Kryetarin e PD, Dega Londër dhe avokatin e parë shqiptaro-britanik që ka mbrojtur një çështje ligjore para Gjykatës Supreme Britanike.
Hasani më informoi mbi vendimin historik të datës 21 Dhjetor 2017 nga Gjykata Supreme Britanike, e cila ka hedhur poshtë urdhrat e Ministrisë së Brendshme Britanike të vitit 2013, që në mënyre automatike u hiqnin shtetësinë Britanike dy shtetasve shqiptare për shkak se ishin regjistruar si shtetas te Kosovës, dhe ka konfirmuar se ata janë shtetas Britanike me identitetin e tyre shqiptar.
Gjykata Supreme ka vendosur gjithashtu në mënyrë të qartë se edhe personat e tretë, siç janë fëmijët e tyre, duhet të qëndrojnë shtetas Britanikë.
Ky është një vendim me rëndësi jetike dhe një arritje e madhe për te gjithë shqiptarët në Britani dhe familjet e tyre, që ndodhen në situatë të ngjashme ligjore.
E përgëzova Z. Hasani për punën e tij shumëvjeçare që u kurorëzua me këtë fitore ligjore të përmasave historike, dhe e uroj atë dhe çdo bashkëqytetar qe i gëzohet fryteve të këtij vendimi jetik për shumë shqiptare në Britani dhe familjarët e tyre.
