Ka filluar pak minuta më parë, seanca plenare në Kuvendin e Shqipërisë, ku i pari fjalën e ka marrë, kryetari i Partisë Demokratike, Lulzim Basha.
Basha tha në fjalën e tij se vendi është në duart e Dakove, Shullazit etj të lidhur me maxhorancën në fuqi, e cila sipas tij, nuk e ka lidhur fatin me njerëzit e këtij vendi, por me krimin që nga qershori 2017.
“Vendi është në krizë totale dhe kjo sallë nuk ka asnjë lidhje me qytetarët. Të gjitha ligjet që vijnë këtu janë ligje zhvatje. Këta që të vetmin aktivitein kryesor kanë pastrimin e parave të drogës, vjedhjen. Që qytetarët kanë paguar gjatë qeverisjes së këtyre 2 miliard euro më shumë. Kriza ka arritur dimensione tragjike. Pasiguri totale në shkolla. Vendi është në krizë depresionit. Të tjera raste si dhunimi në familje në Vlorë. Këto ditë kam vizituar disa nga qendrat e banuara në vend dhe kam parë një reralitet të tmerrshëm, ku kam parë shkretëtirë. Biznese me vetëm një njëri, fatlum nëse kanë pasur ndonjë klient deri në mesditë. Që nga qershori 2017 ky parlament nuk e ka lidhur fatin me njerëzit, por me Niçet, me Dakon, Shullazin, me bandat anë e mbanë Shqipërisë. E vetmja zgjidhje është një qeveri tranzitore kalimtare”, tha Basha.
