Kryetari i Partisë Demokratike, Lulzim Basha, ishte i pranishëm sot në një takim me qytetarët e Krujës.
Krahas thirrjes për të marrë pjesë në protestën e madhe opozitare që do të mbahet më 16 shkurt, Basha nuk i reshti akuzat edhe ndaj kryeministrit Rama.
“Edi Rama dhe kjo qeveri nuk janë produkt i vullnetit tuaj, por i kriminelëve. Ejani më 16 shkurt ta rrëzojmë këtë qeveri bandite. Në Krujë nuk pashë një turist, një blerës të trokasë në dyqane. Ka vende me klimë shumë më të keqe se Shqipëria, ku sezoni turistik nuk pushon 12 muaj në vit. Ndërkohë që në Krujë mezi presin muajt e verës. Sezoni i kaluar ishte i mjeruar.
Më thanë se 6-7 vite më parë, gjysma e klientelës ishte lokale, apo bashkëkombas nga Kosova dhe diaspora. Gjysma të huaj si konsumatorë kryesorë. Sot situata është krejt ndryshe. Jo vetëm që nuk ka turistë për 1/3 e popullsisë së Krujës ka ikjur, shumica prej tyre të rinj. Banda që sot qeveris shkaktare e kësaj situate”, u tha Basha krutanëve.
