Lulzim Basha ka udhëtuar sot drejt Berlinit për tu takuar me përfaqësues gjermanë në lidhje me situatën politike në Shqipëri. Përmes një postimi në Facebook Basha ka treguar për takimin që ka patur me Komisionerin e BE për Buxhetin dhe Burimet Njerëzore, Günther Oettinger.
Basha shkruan se ka biseduar në lidhje me gjendjen ekonomike dhe projekte të zhvillimit ekonomik me komisionerin.
“Sot në Berlin pata një bashkëbisedim të frytshëm për Shqipërinë, zhvillimin ekonomik dhe projekte të rëndësishme që do të përmirësojnë jetën e qytetareve tanë, me Komisionerin e BE për Buxhetin dhe Burimet Njerëzore, Günther OETTINGER.
Angazhim dhe përkushtim maksimal për punësim, mirëqenie, zhvillim ekonomik për qytetarët për #ShqipërinëSiEuropa” ka shkruar Basha në Facebook.
Ky takim është bërë në kuadër të Dialogut për Ballkanin Perëndimor. Të ftuar të tjerë në këtë takim kanë qenë Presidenti i Bundestagut gjerman, Dr Wolfgang Schäuble, Kryetarja e CDU, Annegret Kramp-Karrenbauer. /Opinion.al
