Shifrat e Guardia di Finanzia se në 2017 është kultivuar më pak kanabis se në 2016, Rama i lexoi si sukses, por lideri i opozitës ka një tjetër këndvështrim.
Lulzim Basha në një dalje për mediat tha se “Edi Rama bërtet fitore fitore për këtë rënie të prodhimit. E verteta është se prodhimin e ka ulur çmimi. Shkoni në Tepelenë më lirë është kanabisi se çaja, sepse presim mijëra tonela të transportohen jahtë shtetit (nga prodhimi i vjetshëm)”.
Më tej Basha bëri thirrje për rrëzimin e qeverisë.
“Zgjidhja e vetme është largimi i qeverisë dhe këtë s’mund ta bëjë Edi Rama. Sot nuk ka shqiptar apo ndërkombëtar që nuk e di se Edi Rama e ka shdërruar Shqipërinë në narko-shtet. Opozita do të zgjerojë koalicionin me çdo formacion dhe çdo qytetar. Po flas për imperativ kombëtar dhe për një qeveri antimafia për të shpëtuar vendin nga krimi dhe droga”, tha lideri demokrat.
