Kreu i Partisë Demokratike, Sali Berisha në konferencën e përjavshme me gazetarët u shpreh se çdo deputet është i mirëpritur të jetë në protestën e nesërme, me përjashtim të Lulzim Bashës.
Berisha tha se Basha duhet të sqarojë fillimisht nëse ka marrë apo jo rubla ruse, ndërsa shtoi se hetimi nga selia blu për këtë çështje po vazhdon.
“Të gjithë mund të vijnë përveç Lulzim Bashës i cili duhet të sqarojë akuzën e tmerrshme që ka. Të tjerët janë anëtarë të PD-së dhe nuk mund të më marrin leje mua ata që të protestojnë kundër qeverisë. Basha ka një akuzë të tmerrshme, ka deklaruar që nuk është e vërtetë, por nuk ka dhënë asnjë fakt e provë për ato akuza konkrete që ekzistojnë aty. Hetimi nga selia po vazhdon. Mendoj se është i detyruar të ketë burrërinë të tregojë dhe në qoftë se i takon të hyjë brenda, ose të shpallet i penduar i drejtësisë dhe të tregojë të vërtetën”, u shpreh Berisha./Opinion.al
