Kryetari në detyrë i Partisë Demokratike, Lulzim Basha vijoj turin e takimeve me demokratët e Mirëditës, të cilëve iu kërkoi votën në 13 qershor për të vijuar drejtimin e partisë edhe për katër vite të tjerë.
Basha akuzoi qeverinë për vjedhje të votave në zgjedhjet parlamentare të 25 prillit, teksa tha se nuk e pranojë kurrë rezultatin e zgjedhjeve.
Kryedemokrati u zotua para demokratëve se do të vijojë betejën me qeverinë socialiste deri në rrëzimin e kryeministrit Edi Rama.
“Por nga ana tjetër prerë, qartë, hapur, masakrën zgjedhore të 25 prillit unë nuk mund ta pranoj dhe nuk do ta pranoj kurrë. Tjtërsimin e vullnetit të qytetarëve shqiptarë nuk mund ta pranojmë kurrë, dorën e shtrirë hajdutit të shpresës së shqiptarëve, të hajdutit të ndryshimit të cilët shqiptarët kanë votuar më 25 prill. Ndaj, kam vetëm një premtim për ju i cili për fat të keq, nuk është, nuk ka të bëjë me premtimet e programit tonë qeverisës, i cili aty është sapo të vij dita, është një premtim për më shumë betejë, për më shumë përballje, për më shumë sakrificë, por edhe po kështu duke ju siguruar me mirënjohjen më të thellë se asnjë pikë sakrifice që keni bërë deri tani, sa të kem frymë unë do të bëj gjithçka të mos shkoj dëm dhe në krye të betejës që do të vazhdojmë së bashku, do bëjmë të mundur të kundërtën e asaj që shpreson, beson dhe në të cilën po investon Edi Rama. Ai na do të ndarë dhe jo të bashkuar. Ai na do jashtë kësaj beteje. Unë e dua Partinë Demokratike ashtu siç e doni ju, të bashkuar, të pandarë, të fortë dhe ju kërkoj të më jepni mundësinë ta vazhdoj me besimin tuaj drejtimin e kësaj beteje për t’ja numëruar orët një orë e më parë regjimit dhe për t’i thënë shqiptarëve dhe Shqipërisë ka 2021-sh, por ka edhe përgjigje të vendosur, sepse ky vend e di që ka 91-sh, po ka edhe 92-sh. Nuk do bjerë Shqipëria, nuk do të bjerë demokracia, do të bjerë Edi Rama dhe kriminelët e tjerë një orë e më parë”,-tha Basha./Opinion.al
