Kreu i PD Lulzim Basha i ndodhur në Londër, ka zhvilluar disa takime në parlamentin britanik.
Duke krahasuar punën e politikanëve britanik, Basha u shpreh se Shqipëri karrigia e pushtetarit vlen 15 mijë euro.
Kryedemokrati foli gjithashtu dhe për sistemin e arsimit në Shqipëri dhe kushtet në të cilën ndodhen univeristetet.
“Tek ne, fakultetet japin akoma mësim për kompjuterat me shkumës e me dërrasë të zezë, sepse paratë që duhet të shkojnë për të investuar në auditorë, në laboratorë, në teknologjinë e informacionit dhe në dixhitalizim, i bën rrush e kumbulla qeveria, i bën mermer për zyren e ministrit dhe e blen kolltukun 15 mijë euro. A i keni parë se ku ulën deputetët në Britani, apo jo? Shkova dhe i pashë sot! Çdo gjashtë muaj kishin për t’i ndërruar kolltuqet te ne, atje as nuk ka vend të mjaftueshëm që të ulën të gjithë deputetët. Disa rrinë në këmbë. Ashtu duhet të rrinë deputetët, qeveria duhet të rrijë në këmbë para popullit, jo t’i marrë paratë e popullit e t’i bëjë rrush e kumbulla”, tha Basha./ Opinion.al E.Xh.
