Pas Korçës, kryedemokrati Lulzim Basha ka vizituar Devollin, duke takuar fermerët e kësaj zone.
Teksa ka zhvilluar një bashkëbisedim me banorët, Basha u ka kërkuar aty që të bashkohen me protestat e opozitës kundër qeverisë “Rama”.
Ndërkohë, një nga banorët i është përgjigjur kreut të PD, duke i thënë se ai është shumë i butë dhe se mund ta gënjejnë.
Basha: Situata është shumë serioze dhe shumë e rëndë. Duke filluar të shtunën e datës 11 duke vazhduar deri në fitore. Faleminderit që keni ardhur në këtë vend të bekuar nga Zoti por të mallkuar nga kjo Qeveri.
Qytetari i Devollit: I dashur kryetar sot nuk ta uroj mirëseardhjen, do ta uroj kur të jesh kryeministër. Kur të marrësh Qeverinë dukesh që je shumë i butë dhe tolerant. Nuk duhet të dëgjosh njerëzit që vijnë për servilizma. Mos jepni subvensionime se do t’i marrin ata që të ndjekin nga pas. Ulni naftën, zgjidhni ambasadorët që vijnë jashtë, se ndyshe nuk ka sesi.
Subvencionime nuk duam në dorë se nuk dihet se nga venë. Ji çik më i ashpër brenda vetes dhe brenda partisë se do të gënjejnë se je shumë i butë. E shohim se pakënaqësia ka vajtur, të mos i diskutojmë këto punë se na ka vajti thika në zemër. Edhe këta djemtë që kanë mbetur do ikin nëse nuk punon PD-ja.
Basha-Ti do që të flasë butë dhe të veprojë fort, apo dikë që të flasë fort dhe të mos punojë. Veprimet i gjykoni ju. Çfarë vendimesh kam marrë, atë gjykoni. Edukata nuk është dobësi. Mjerë ata që marrin edukatën time si shenjë dobësie. Këta po na i kthejnë vizat dhe shumë e shumë vendime të tjera. Tjetër gjë është të flasësh shumë dhe të mos bësh asgjë, tjetër gjë është të flasësh me edukatë dhe të marrësh vendime të forta./ Opinion.al E.Xh.
