Kryetari i PD Lulzim Basha solli në vëmendje pikat kryesore të platformës së opozitës për të luftuar korrupsionin dhe për t’i kthyer qytetarëve çdo pasuri që i është marrë nëpërmjet korrupsionit.
Në videon e shpërndarë nga kreu i opozitës në FB renditen të parat masat “antimafia”, nëpërmjet të cilave verifikohet, sekuestrohet, konfiskohet:
Pasuria e kompanive private dhe pronatëve të tyre
Pasuria e zyrtarëve publikë që verifikihet se kanë abuzuar me detyrën.
Pasuria e personave të afërt me pronarin e kompanisë apo zyrtarin.
Qëllimi i paketës antimafia është:
Goditja e Korrupsionit dhe abuzimit me pushtetin
Mbrojtja e pasurise publike
Garantimi i konkurencës së lirë
Në videomesazhin e kreut të opozitës sqarohet edhe një pikë tjetër e rëndësishme e paketës: cfarë verifikon antimafia .
Kontratat PPP
Kontratat e koncesionit
Kontratat e Prokurimit Publik
Kontratat e tjetërsimit të pasurive publike
Aktet për lejet, licensat, autorizimet për shfrytëzimin e pasurive publike.
Efektet e ligjit antimafia kanë efekte të menjëhershme dhe konkrete:
Ligji vepron para dhe pas hyrjes së tij në fuqi
Kontratat abuzive dhe korruptive anullohen.
Pasuria e përfituar në kundërshtim me ligjin u kthehet qytetarëve
Klima e biznesit përmirësohet
Pasuria e konfiskuar përdoret për shërbime dhe investime publike.
Lideri i opozitës theksoi mesazhin kryesor të paketës kundër korrupsionit dhe oligarkisë se ligji i ri antimafia do të bëjë të mundur që askush nuk do ta gëzojë pasurinë e vënë me korrupsion.
