Aktualitet

Basha: Mjekët na thonë se kapacitetet në spitale kanë shteruar


Bëhu pjesë e Grupit Zyrtar të Opinion.al
>> KËTU <<
               Publikuar në : 13:09 - 13/10/20 |
el ida

Kreu i Partisë Demokratike Lulzim Basha në një konferencë për mediat nga selia e Partisë Demokratike ditën e sotme, ka kërkuar marrjen e masave për të përballuar pandeminë COVID-19. Ai u shpreh se sipas informacioneve që ka marr nga mjekët, të gjitha vendet në spitalet Covid 1 dhe 2 tashmë janë mbushur dhe se sistemi shëndetësor ndodhet në kolaps.

“Infektimet janë rritur, vendet në spitale janë zënë 100% . Na ka rënë goja duke kërkuar të rriten testimet. Numri i të infektuarve është rritur me 30%. Ajo që kemi paralajmëruar para dy javësh, sistemi shëndetësor po shkon drejt kolapsit po ndodh. Është realitet, jo më paralajmërim. Përfshirja e mjekut të familjes kërkon që Edi Rama të zgjidhë qesen për pandeminë, jo për PPP-të. U bëj thirrje edhe mjekëve dhe ekspertëve që kanë vënë fytyrën e tij si garanci, të mos heshtin, ndryshe janë bashkëpunëtorë”, tha kreu i PD.

Ndër të tjera Basha ka vënë theksin dhe në sigurimin e vaksinës anti-grip, ndërsa tha se numri i pacientëve në risk të lartë është 500 mijë, ndërkohë që qeveria ka deklaruar se ka marr vetëm 200 mijë vaksina për gripin.

“Kemi kërkuar prej korrikut vaksinën anti-grip. Sasia e sjellë është e pamjaftueshme. Kanë marrë 200 mijë e pamjaftueshme për grupet në nevojë. Duhet urgjent sigurimi i vaksinës anti-grip për të gjithë popullsinë falas. Buxheti i shtetit ka mundësi” deklaroi Basha.

Gjithashtu gjatë fjalës së tij Basha nënvizoi se Shqipëria vijon të ketë numrin më të ulët të testimeve, dhe sipas tij kjo është neglizhencë e qeverisë./Opinion.al

 

Pas