Pas Tiranës, ku ka takuar shumë qytetarë dhe u ka bërë thirrje të dalin për të votuar, kryetari i Partisë Demokratike Lulzim Basha ka shkuar në qytetin e Elbasanit. I shoqëruar nga drejtuesi politik I këtij qarku Gazmend Bardhi, kreu i PD është shprehur se ky qytet po udhëheq me pjesëmarrjen dhe kërkuar që sa më shumë qytetarë të shkojnë drejt kutive për të votuar, deri në orën 19:00, kur do të mbyllen qendrat e votimit.
“Në këndvështimin e vëzhguesve tanë në terren, ka një pjesëmarrje shumë të mirë, por ka akoma qytetarë që duhet t’u drejtohen kutive të votimit. Elbasani duket se po i prin Shqipërisë, dhe unë jam këtu për të shijuar këtë kohë të bukur me miqtë e emi për t’i bërë thirrje çdo qytetari masivisht drejt kutive, kjo është dita juaj, është shansi juaj”, tha Basha.
I pyetur nga gazetarët nëse do e pranonte rezultatin në rast humbjeje, Basha u shpreh: “I keni pyetjet e gabuara me personin e gabuar gjejeni personin e duhur për tja bërë pyetjen. Elbasani do fitojë, të gjithë masivisht drejt kutive të votimit ndaj banorëve të Elbasanit dhe gjithë Shqipërisë”./Opinion.al
