Kryetari i Partisë Demokratike, Lulzim Basha, të shtunën, ka vizituar fermerët e fshatit Shushicë të Elbasanit, për të diskutuar për problemet e ekonomisë së fshatit dhe braktisjen totale të qeverisë.
Përmes një videolive në Facebook, Basha është shprehur me tone të forta për qeverinë, duke thënë se fqinjët subvencionojnë fermerët, kurse Rama do u marrë përqindje të shtuar për çdo pjeshkë, mollë apo prodhim tjetër që do mbjellin.
Kreu demokrat, deklaroi se është aty që të garantojë se ai dhe PD janë në mbështetje totale të fermerëve, biznesnit dhe gjithë prodhuesve.
