Kryetari i PD, Lulzim Basha në një dalje për mediat komentoi raporton e FMN për koncensionet dhe borxhin publik. Ai tha se qeveria ka grabitur paratë e taksapaguasve me anë të PPP-ve. Shqetësimet e opozitës janë të konfirmuara tani nga raporti i FMN, tha ai. Ky mision ka bërë paralajmërime të qarta: Gjendja ekonomike e Shqipërisë do të përkeqësohet. PPP janë për të mbushur xhepat e vet dhe pastrimit të krimit dhe drogës. Për të gjithë shqiptarët e tjere që e dëgjuan mirë mesazhin është koha për të ndalur këtë ekonomi shkatërruese për vendin.
“Mbarimi i TAP-it dhe Devollit, investime të siguruara nga qeverisja demokrate, do ta thajnë ekonominë nga investimet e huaja, që janë të domosdoshme për të krijuar punësim dhe rritur ekonominë”.
“FMN-ja i bie alarmit se borxhi i jashtëm ka arritur nivelin e papërballueshëm, gati 72 për qind të PBB, madje këtu nuk përfshihet borxhi i PPP-ve që e rrit edhe me 10 pikë të tjera”, theksoi Basha.
Ai tha se PPP-të kanë vetëm një qëllim, vjedhjen e parave të shqiptarëve dhe pastrimin e parave të pista në shërbim të Edi Ramës dhe një grushti klientësh rreth tij
