Kryetari i Partisë Demokratike Lulzim Basha ka zhvilluar një takim me disa nga ekspertët e emergjencave civile mes tyre pedagogë inxhinierë, gjeologë, arkitektë, ekspertë të sizmiologjisë dhe të ndërtimit.
Ky takim u realizua për t’u konsultuar rreth masave që duhen marrë për të normalizuar sa më shpejt situatën në vend pas tërmetit të 26 Nëntorit.
Sipas Bashës propozimet e paraqitura nga ekspertët do të baza për propozimet e Partisë Demokratike për përballimin e situatës.
“Sot mblodha disa nga ekspertët më të mirë të vendit në fushën e emergjencave civile. Pedagogë, inxhinierë, gjeologë, arkitektë, ekspertë të sizmiologjisë dhe të ndërtimit, sugjeruan masat që duhet të marrë Shqipëria për normalizimin e situatës në një kohë sa më të shpejtë dhe gjithashtu masat që duhen marrë për të ardhmen. Propozimet e tyre do të jenë baza për propozimet e Partisë Demokratike për përballimin e situatës. Shqipëria ka burime të mjaftueshme njerëzore për të evidentuar problematikat dhe për të dhënë zgjidhje, por kërkohet koordinim, mbështetje dhe financim,”-ka shkruar Basha në profilin e tij në Facebook.
Pjesë e këtij takimi janë emra të njohur si Ismail Hoxha, Faruk Kaba, Skënder Allkja, Markel Baballëku, Fisnik Kadiu, Ernest Noka, Rikard Luka, Sokol Allaraj, Marin Biçoku, Besnik Aliaj, Gafurr Muka, Lulzim Shena, Klid Premti, Sazan Guri, Mentor Balili, Shemsi Prençi./Opinion.al/
