Politikë

Basha me bizneset në Kombinat: Rama harxhon mijëra euro në Paris


Bëhu pjesë e Grupit Zyrtar të Opinion.al
>> KËTU <<
               Publikuar në : 11:16 - 01/06/20 |
Opi Nion

Kryetari i Partisë Demokratike, Lulzim Basha ka vijuar takimet me biznesin e vogël. Mëngjesin e sotëm ai është ndalur në në Kombinat të Tiranës, nga ku është shprehur se bizneset janë drejt falimentimit.

Sipas Bashës, bizneset kanë lista pagesash dhe qytetarë që nuk kanë mundësi të blejnë dhe produktet bazike për të konsumuar.

Kryedemokrati ka akuzuar kryeministrin Edi Rama, si përgjegjës për situatën ku ndodhet biznesi aktualisht.

Sipas Bashës mund të mbaheshin hapur mijëra biznese apo do iu jepej ndihma qindra familjeve në nevojë por Rama i shpenzon për fundjava luksoze në Paris.

 “Situata ekoonomike është në qendër të takimeve të mia.  Ka një rënie të konsumit si kurrë më parë. Është i njëjti realiteti si vendet dhe qytetet e tjera ku bizneset po falimentojnë, njerëzit nuk plotësojnë dot as nevojat minimale. Dhe fjala e parë është listat, janë shtuar listat e personave që nuk kanë mundësi të paguajnë, tek dyqanet e bukës, ushimeve. Varfëria kudo, Bizneset dhe qytetarët janë lënë në mëshirë të fatit. Ndërkohë Edi Rama bredh në Europë me mijëra euro që do të mjaftonin për të mbajtur mijëra biznese apo të ndihmonte qindra familje. Konfirmohet dhe nga Banka Batërore që 1/3 familje shqiptare ka prekur fundin. Nuk kkishte pse të ishte kështu. S’kishte pse kriza të rrënonte ekonominë. Por paratë tuaja në vend që t’iu ndihmonin, për t’iu çliruara, paratë shkuan tek oligarkët kontratat korruptive, shkatërrimi i pronës publike. Kjo situatë e tmerrshme ka një përgjegjës, ai që ka vënë interesat e xhepat e tij, nuk i dhimbsen shqiptarët. Ne kemi vizionin për të ndryshuar këtë situatë. Do vazhdoj takimet nga Kombinati. Qëllim kryesor është të jem afër njerëzve dhe jo e zbukuruar nga propaganda duke gënjyer me regji qëndrore. Ai i ka bërë paratë rrush e kumbulla, që ikën në fundjavë në Paris me charter, dhe ua ka dhënë lekët oligarkëve.”- tha Basha./ Opinion.al

Pas