Lulzim Basha mblodhi sot gazetarë, artistë, mjek, etj. për të folur për kanabisin dhe probleme te tjera shqetësuese. “Problematika që nuk i përkasin vetëm PD por me të cilat përballen Shqipëria dhe shqiptarët”, tha Basha.
“Gjatë takimit më shumë dëgjova dhe ky ishte dhe qëllimi i takimit. Dal më i inkurajuar dhe më i vendosur për të ndërtuar së bashku me shqiptarët një aleancë sa më të madhe, sa më solide për të siguruar luftën kundër krimit, mposhtjen e krimit dhe sigurimin e zgjedhjeve të lira dhe të ndershme”, tha kreu i PD.
Basha theksoi se “këto janë procese konsultimi reflektimi, të cilat kanë nisur prej kohësh do të vazhdojnë dhe do të konkludojnë me formulimin e një aksioni opozitar për të cilin do t’u bëjmë thirrje të gjithë faktorëve të kenë rolin e tyre”, vijoi ai.
