Kryetari i Partisë Demokratike, Lulzim Basha ka reagoi sërish për çështjen e negociatave me Bashkimin Europian, pas zhvillimeve të fundit në Bruksel.
Kreu i demokratëve rikonfirmoi qëndrimin se PD mbështet hapjen e negociatave dhe se do të punojë për ta bërë realitet këtë gjë.
Duke publikuar statusin e Partisë Popullore Europiane që rikonfirmon mbështetjen e saj ndaj Shqipërisë e Maqedonisë së Veriut, Basha shprehet se në këto momente të vështira nevoja për shpresë është më e madhe.
“Në këto ditë të vështira për Shqipërinë dhe mbarë botën, nevoja për shpresë është edhe më e madhe. Mirënjohje grupit të PPE për mbështetjen. Në emër të PD dhe Opozitës së Bashkuar rikonfirmoj kërkesën tonë ndaj Këshillit Europian të miratojë në parim hapjen e negociatave për Shqipërinë.
Megjithë shtimin e kushteve deri në hapjen e tyre, ne mbështesim këtë proces jetik për shqiptarët. PD dhe Opozita e Bashkuar do të të punojë që ta bëjmë realitet hapjen e negociatave përmes zbatimit të 9 kushteve të Bundestag dhe kushteve të reja shtesë të vendeve të tjera”, shkruan Basha./Opinion.al
