Aktualitet

Basha kujton ngjarjen dhe flet për largimin e familjes së tij nga Kosova


Bëhu pjesë e Grupit Zyrtar të Opinion.al
>> KËTU <<
               Publikuar në : 18:39 - 02/07/20 |
Al Do

Kreu i Partisë Demokratike, Lulzim Basha ka kujtuar sot 30 vjetorin e deklaratatës Kushtetuese të Kosovës.

Në një status në Facebook, Basha shkruan se 30 vite më parë është vendosur një gurthemeli i shtetit të Kosovës i cili ishte pritur me gëzim dhe emocion në familjen e tij e cila siç shkruan Basha ishte detyruar të largohej nga trojet kosovare një shekull më parë.

30 vjet më parë, gratë dhe burrat e Kuvendit të Kosovës rindezën pishtarin e lirisë dhe shënuan kthesën e madhe në historinë e Kosovës. Një ditë e madhe, një ditë e bekuar për shqiptarët në të dyja anët e kufirit.

Kurrë nuk kam për ta harruar me çfarë gëzimi dhe emocioni është pritur ai vendim në familjen time, gjysma e së cilës u detyrua të largohej nga Peja dhe Drenica para një shekulli si pasojë e dhunës dhe terrorit.”, shkruan Basha.

Basha shprehet më tej se ai ka besim se Kosova do të ecë e sigurt drejt ndërtimit të një shteti demokratik anëtare e NATO-s dhe BE.

Kosova ka ditur ndër shekuj të tregojë guxim, forcë e largpamësi përballë sfidave të shumta që ka kaluar në historinë e saj.

Jam i bindur se me të njëjtën kurajo dhe maturi të bazuar në shembuj të jashtëzakonshëm burrash e grash që ia dedikuan jetën lirisë dhe pavarësisë, Kosova do të ecë e vendosur dhe e sigurtë drejt ndërtimit të një shteti të fortë demokratik, anëtare e NATO-s dhe Bashkimit Europian.”, shkruan ai./ Opinion.al

Pas