Kreu i Partisë Demokratike, Lulzim Basha, sot, gjatë një bashkëbisedimi me gazetarët në selinë e partisë ka deklaruar se lufta ndaj krimit të organizuar, është një luftë ndaj klasës politike.
Në fjalën e tij, Basha tha se ata që duhet të ishin në burg, janë në krah të Edi Ramës. Sipas tij, faktori ndërkombëtar po flet me emra dhe fakte konkrete.
Kryedemokrati theksoi se kemi kërkuar ndërgjegjësim nga faktori ndërkombëtar.
“Ata e kanë shprehur këtë, por ka ardhur koha që të flasim me emra, të tregojmë politikanët e lidhur me krimin“,- u shpreh Basha.
Ai tha se nuk disponojmë fakte unike, por janë fakte publikisht të njohura, policia dhe prokuroria nuk ka nevojë që PD të çojë faktet, ata duhet të nisin hetimet kryesisht, siç e kanë për detyrë.
Për Bashën, bandat kriminale kanë mbështetje politike në vend, goditja e krimit duhet të fillojë pikërisht nga goditja e politikanëve të lidhur me krimin.
Basha: Goditja e krimit bëhet duke goditur drejtuesit politikë. Vettingu është fillesa e kësaj luftë të gjatë, në luftën ndaj krimit. Krimi ka mbështetje të drejtpërdrejtë nga shteti. Tashmë flitet për mafia, për një shkallë më të lartë të grupeve kriminale. PD ka denoncuar me emra klanet kriminale. Vendi sundohet nga një kupolë politiko-kriminale. Ata që duhet të jenë në burg, janë përkrah Edi Ramës. Rama ka bërë pakt me krimin, nuk e lufton dot. Qeveria është marrë peng nga krimi i organizuar. Duhet të pastrohet politika nga krimi i organizuar, ndaj qëllimi ynë është dekriminalizimi
