Kryetari i partisë demokratike Lulzim Basha ka deklaruar se në makinë me ministrin e Financave, Arben Ahmetaj, kur ky i fundit u përfshi në një aksident të rëndë rrugor në Maqedoni ishte edhe Klodian Zoto.
“Klodian Zoto, pronari i inceneratorëve ka qenë në makinë me Ahmetaj në aksidentin e Maqedonisë”, u shpreh Basha i ftuar në emisionin “Studio e Hapur” ne news 24.
Ministri u aksidentua në gusht të 2017-ës. Ai ishte pasagjer në automjetin Land Rover, dhe u aksidentua në rrugën Tabanoc-Kumanovë. Në aksident u përfshinë një autobus dhe dy vetura, ndërsa numri i personave të lënduar shkonte në rreth 18. Në atë kohë shoferi i autobusit në dëshminë e tij tha se e gjitha ndodhi për shkak të shpejtësisë së madhe me të cilën lëvizte makina e Ahmetajt.
*Klodian Zoto
