Basha, kërkon ndihmë nga PPE: Sillni skuadrën tuaj të monitorojë

Nga Spanja, ku po merr pjesë në Kongresin e Partive Popullore Europiane, kreu i PD-së Lulzim Basha ka akuzuar dyshen Rama- Meta për gjendjen e rëndë në të cilën ndodhet sot Shqipëria. “Shqipëria dhe populli shqiptar po përballen me një situatë të jashtëzakonshme, me trafikanë  të qenieve njerëzore, me kriminelë, ku prona private është marë nga zyrtarë të lartë. Në Shqipëri  vota e lirë është sulmuar në zgjedhjet e lira që u bënë në qershor. Ne kërkojmë që të përjashtohen nga parlamenti personat me rekorde kriminale. Qeveria ka ndaluar zbatimin e marrëveshjeve të rëna dakord dhe ndërkohë po i jep më shumë opozicion personave me rekorde kriminale, korrupsioni ka minuar demokracinë”, u shpreh Basha. Në fjalën e tij kreu i PD-së ka kërkuar monitorim të situatës nga përfaqësues të PPE-së. “Ne kërkojmë që të sillni skuadrën tuaj në Shqipëri dhe të shihni atë çfarë po ndodh, dhe me atë që ne po përballemi. Unë ju premtoj angazhimin e PD-së se do të luftojmë me vendosmëri për vlerat. Kërkojmë dekriminalizimin e parlamentit. Jemi të vendosur për të luftuar korrupsionin dhe për të rigjallëruar sërish dmokracinë në Shqipëri- u shpreh Basha në fjalën e tij.