Kryetari i Partisë Demokratike Lulzim Basha, ka bërë një tjetër deklaratë të fortë nga Selia Blu, ku ka premtuar përshkallëzimin e masave ndaj personave të përfshirë në prishjen e Teatrit Kombëtar.
Pasi deklaroi disa ditë më parë se do të shpallte non-grata arkitektin danez Bjarke Ingels që projektoi godinën e re të Teatrit Kombëtar, Basha njoftoi sot se po përgatitet një padi penale ndaj këtij arkitekti
“Për Bjarke Ingels po përgatitet një padi penale. Po përgatitet gjithçka dhe në prokurorinë belge. Dhe mbi çdo blerësi që po merr pjesë në këtë krim monstruoz”, tha Basha.
Vetëm pak ditë më parë Basha reagoi në Tëitter duke thënë se arkitekti danez po kthehet në një bashkëpunëtor të vjedhjes së tokës së teatrit në Tiranë për interesat narkomafioze të Edi Ramës.
“Bjarke Ingels është një bashkëpunëtor në grabitjen e tokës nga narkomafia e udhëhequr nga kryeministri Edi Rama, ndaj paralajmërohet: do të trajtohesh si non-grata nga komuniteti i artistëve dhe populli i Tiranës”, shkruante Basha në tëiter.
