Kreu demokrat Lulzim Basha, në një dalje për mediat, ka deklaruar se spitalet shqiptare janë të papërgatitur për të përballuar fluksin e pacientëve në nevojë në rast të shtimit të rasteve të personave të prekur nga koronavirus. Basha tha se spitalet nuk kanë kapacitete për të përballuar ë më shumë se 120 të infektuar, në rrezik për jetën.
“Kapacitetet aktuale të spitaleve shqiptare nuk i kalojnë 120 njësi, për të tajtuar 120 të infektuar që kanë nevojë për këtë trajtim, përndryshe u kërcënohet jeta. Kjo është kronikë e një dështimi të paralajmëruar”, tha Basha.
Ndërkohë kreu demokrat denoncoi faktin që në qendrat shëndetësore janë vënë në përdorim maska të skaduara që në vitin 2011, duke vënë në rrezik jetën e stafit shëndetësor.
Ky është krim për shërbimet shëndetësore. Qeveria me vetëdije ka shpërndarë maskat e skaduara duke u vënë një pullë për të mbuluar datën e skadencës. Ky akt është tregues, se qeveria është e papërgatitur, por edhe e papërgjegjshme. Kjo është provë e një akti të vetëdijshëm kriminal”, tha Kryetari i PD, duke kërkuar nga prokuroria nisjen e hetimit për këtë çështje./ Opinion.al
