Aktualitet

Basha: Kallëzim penal nesër në SPAK për çështjen e energjisë


Bëhu pjesë e Grupit Zyrtar të Opinion.al
>> KËTU <<
               Publikuar në : 11:09 - 14/10/21 |
el ida

“Plani për krizën është një borxh i ri që do të vihet në dispozicion të OSHEE”. Kështu deklaroi në kuvend kreu i opozitës Lulzim Basha ndërsa bëri me dije se çështjen e energjisë, PD do të depozitojë një kallëzim penal.

“Në vijim të strategjisë së tij, nxori një plan për të zgjidhur këtë krizë, ku ajo që ra menjëherë në sy ishte borxhi i ri me të cilin do të ngarkojë edhe më shumë qytetarët, edhe më shumë borxhin e lartë publik, një borxh prej 200 milionë eurosh.

Kjo shifër e lartë nuk do vijë tek ju as familjet tuaja, por do të vihet në dispozicion të OSHHE banda më e madhe e patronazhistëve dhe kryekriminelit Ardian Cela si mëlçitë që i varen në qafë ujkut.

Të gjithë kuptuan se gjuha e Ramës shkoi aty ku i dhimbte dhembi, te paratë që mungonin sepse i kanë vjedhur i kanë futur në xhepat e tyre dhe përdorur për të blerë deri në 400 euro votën si në Pukë, sic e di fare mirë i zgjedhuri i ri që vjen nga radhët e kaskadës në këtë sallë.

Jo për shkak të qytetarëve, që kanë paguar dhe pagujanë qindarkë pas qindarke energjinë e shtrenjtuar, por për shkak të shpartallimit që korrupsioni dhe keqmenaxhimi kanë shkaktuar në sektorin e energjisë”, u shpreh Basha.

“Tendera luksi, kompani konsulence që mbushin xhepat në mënyrë korruptive, klientelizëm dhe punësime politike në administratat përkatëse të KESH dhe OSHEE, që përodrën politikën e tokës së djegur edhe për shkak të zgjedhjeve, ku paratë e dala nga këto institucione shërbyen për të kalcifikuar një pushtet të paligjshëm.

Natyrisht të bëra bashkë me dritëshkutrtësinë menaxhimin skandaloz të eksporteve, fitimet e të cilave avulluan edhe pse këmbanat e rritjes së cmimeve kishin rënë prej marsit, por atë kohë merreshin me fushatë jo me palnifikim. Duke shkurtuar në korrik dhe gusht rezervave ujore, në atë që ekspertët cilësojnë si viti më i mirë historik, hapën një pjesë të madhe të gropes që do të mbyllet duke marrë borxh.

Të gjitha këto shpërdorime, duhet të hetohen me përparësi, ndaj edhe ne do të depozitojmë nesër kallzimin penal në SPAK. Sepse korrupsionin dhe papërgjegjshmërinë nuk duhet ta paguajnë qytetarët, por ata që abuzuan dhe abuzojnë me djersën e tyre”, tha Basha në kuvend./Opinion.al

 

 

 

 

Pas