Kryetarja e LSI-së Monika Kryemadhi e ftuar ditën e sotme, në një emision televiziv, i ka dal në mbrojtje kreut të opozitës.
E pyetur nga gazetari Denis Dyrnjaja, se ku ndryshon Rama nga Basha, pasi të dy jetojnë në vila luksoze, Kryemadhi është shprehur se Lulzim Basha nuk ka një vilë luksoze.
Sipas saj, kreu i opozitës jeton në nja vilë me qira, e cila nuk ka luks. Ajo tha se ka qenë vetë prezente në vilën e tij dhe sipas saj ajo është modeste.
Dyrnjaja: Pse mendoni se shqiptarët duhet të heqin Edi Ramën, që thonë se bashkëpunon me oligarkët, dhe të vënë kryeministër Lulzim Bashën që po bashkëpunon me oligarkët, janë në të njëjtat ujëra. Si jeton në saraje në Surrel, Basha jeton në vilë luksoze në Long Hill, pra ku është ndryshimi?
Kryemadhi: Unë nuk jam këtu të bëj avokatin e askujt, por s’është e njejta gjë. Basha jeton atje në një vilë me qira…
Dyrnjaja: Si e thoni kaq thjesht, vilë me qira, sikur të jetë një apartament…
Kryemadhi: Shiko, unë kam qenë të vila e Bashës, hyn të vilat modeste, që nuk ka ndonjë luks apo gjëra shtesë që të jetë luksoze. Përpara se të japi llogari Basha duhet të japin llogari këta zengjinat e tjerë. Nëse s’të pëlqen Kryemadhi dhe Basha voto dikë tjetër. Shqiptari i Amerikës që ka ikur do vijë të votojë sepse e kanë hequr nga puna për bindje politike./Opinion.al
